Shola Shoretire, fyrrum leikmaður Manchester United, hefur náð munnlegu samkomulagi við gríska félagið PAOK, en þetta segir Fabrizio Romano á X:
Framherjinn yfirgaf Manchester United í sumar eftir að samningur hans við félagið rann út.
Hann hefur verið að skoða tilboð síðustu daga og hefur nú náð munnlegu samkomulagi við gríska meistaraliðið PAOK.
Félög á Englandi, Bandaríkjunum og Sádi-Arabíu höfðu áhuga á Shoretire sem ákvað hins vegar að taka tilboði PAOK.
Gert er ráð fyrir því að hann verði kynntur hjá félaginu á næstu dögum.
Shoretire, sem er tvítugur, lék fimm leiki á þremur tímabilum sínum með aðalliði United.
Athugasemdir
