Stefán Ingi Sigurðarson gekk til liðs við Sandefjord í Noregi á dögunum og hann spilaði sinn fyrsta leik í dag þegar liðið tók á móti Haugesund.
Þetta var svakalegur leikur í fallbaráttunni en Sandefjord var 3-1 yfir í hálfleik. Haugesund tókst að jafna metin stuttu eftir að Stefán Ingi kom inn á sem varamaður.
Seint í uppbótatíma nældi Stefán Ingi í vítaspyrnu og Eman Markovic skoraði úr henni og tryggði Sandefjord ótrúlegan 4-3 sigur. Anton Logi Lúðvíksson lék fyrri hálfleikinn í liði Haugesund. Sandefjord er á botninum með 16 stig eftir 16 umferðir en Haugesund er tveimur sætum ofar með 17 stig eftir 15 umferðir.
Logi Tómasson lék allan leikinn þegar Stromsgodset tapaði 2-0 gegn Odd. Stromsgodset er í 8. sæti með 19 stig eftir 16 umferðir en Odd er í næst neðsta sæti með 17 stig eftir 17 umferðir.
Hilmir Rafn Mikaelsson spilaði 75 mínútur þegar Kristiansund gerði markalaust jafntefli gegn Tromsö. Kristiansund er í 9. sæti með 18 stig eftir 16 umferðir.
Noregur
Noregur - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Bodö/Glimt | 30 | 18 | 8 | 4 | 71 | 31 | +40 | 62 |
| 2 | SK Brann | 30 | 17 | 8 | 5 | 55 | 33 | +22 | 59 |
| 3 | Viking FK | 30 | 16 | 9 | 5 | 61 | 39 | +22 | 57 |
| 4 | Rosenborg | 30 | 16 | 5 | 9 | 52 | 39 | +13 | 53 |
| 5 | Molde | 30 | 15 | 7 | 8 | 64 | 36 | +28 | 52 |
| 6 | Fredrikstad | 30 | 14 | 9 | 7 | 39 | 35 | +4 | 51 |
| 7 | Stromsgodset | 30 | 10 | 8 | 12 | 32 | 40 | -8 | 38 |
| 8 | KFUM Oslo | 30 | 9 | 10 | 11 | 35 | 36 | -1 | 37 |
| 9 | Sarpsborg | 30 | 10 | 7 | 13 | 43 | 55 | -12 | 37 |
| 10 | Sandefjord | 30 | 9 | 7 | 14 | 41 | 46 | -5 | 34 |
| 11 | Kristiansund | 30 | 8 | 10 | 12 | 32 | 45 | -13 | 34 |
| 12 | Ham-Kam | 30 | 8 | 9 | 13 | 34 | 39 | -5 | 33 |
| 13 | Tromso | 30 | 9 | 6 | 15 | 34 | 44 | -10 | 33 |
| 14 | Haugesund | 30 | 9 | 6 | 15 | 29 | 46 | -17 | 33 |
| 15 | Lillestrom | 30 | 7 | 3 | 20 | 33 | 63 | -30 | 24 |
| 16 | Odd | 30 | 5 | 8 | 17 | 26 | 54 | -28 | 23 |
