Milan Skriniar, fyrirliði slóvakíska landsliðsins og einn af bestu miðvörðum fótboltaheimsins, er búinn að staðfesta samkomulag við franska stórveldið Paris Saint-Germain.
Skriniar á fimm mánuði eftir af samningi sínum við Inter og er búinn að ákveða næsta áfangastað. Hann skiptir annað hvort á frjálsri sölu næsta sumar eða á næstu tveimur dögum fyrir lokun janúargluggans.
„Já, það er satt - ég er búinn að skrifa undir hjá PSG. Ég er að bíða eftir að félögin komist að samkomulagi um kaupverð svo ég geti farið í janúar," sagði Skriniar.
Skriniar verður 28 ára í febrúar og á 242 leiki að baki fyrir Inter.
Manchester United og Tottenham eru meðal félaga sem höfðu áhuga á að fá Skriniar til sín.
Athugasemdir
