Jói kátur.
Mjög sáttur með framherjann sinn Bergvin Fannar.
„Við getum ekki verið annað en sáttir, mjög flott frammistaða, sérstaklega í seinni hálfleik," sagði Jóhann Birnir Guðmundsson, þjálfari ÍR, við Fótbolta.net eftir öruggan sigur á Grindavík í Lengjudeildinni í kvöld.
Lestu um leikinn: ÍR 6 - 1 Grindavík
„Mörk geta breytt leikjum og brotið lið og mér fannst þeir brotna við annað markið."
„Ég er búinn að vera mjög ánægður með Begga (Bergvin Fannar Helgason) í eiginlega allt sumar, kannski aðeins vantað mörkin hjá honum, en hann gerir bara svo mikið fyrir liðið og er búinn að vera alveg geggjaður varnarlega."
„Ég er ánægður með sex mörk, mjög jákvætt og virkilega gaman að sjá Víði (Frey Ívarsson) koma inn á. Kom rétt fyrir hálfleik og var svo frábær í seinni hálfleik, hrikalega gaman að sjá þegar strákar koma svona inn og sýna almennilega hvað þeir geta."
„Við getum ekki verið neitt annað en ánægðir með það sem við erum að gera hérna, en við verðum að vera með augun á boltanum. Við megum ekki gera neitt eftir, það sást í markinu sem við fáum á okkur."
„Framhaldið leggst mjög vel í mig, framundan mjög erfiður leikur á móti Fylki. Það er alltaf gaman að hitta Árna, hann er mjög skemmtilegur náungi," sagði Jói sem hittir Árna Guðnason fyrir í næsta leik. Árni er í dag þjálfari Fylkis en var áður meðþjálfari Jóa hjá ÍR.
Athugasemdir
