Hólmar hlær á æfingunni í dag.
„Maður var búinn að reyna að vera mjög jákvæður í garð þess að vera valinn og á deginum sem valið var þá var aukin púls," sagði Hólmar Örn Eyjólfsson við Fótbolta.net en hann var á dögunum valinn í hópinn sem fer á HM í Rússlandi.
Hólmar spilar með Levski Sofia í Búlgaríu en liðið endaði í 3. sæti á nýliðnu tímabili. Liðið fékk afar fá mörk á sig á heimavelli á tímabilinu en Hólmar small vel í vörnina.
„Þó að ég og hinn hafsentinn tölum ekki sama tungumál þá smullum við saman. Það var mikill fótboltalegur skilningur og þetta virkaði mjög vel. Við notuðum líkamstjáningar og eitthvað svona. Maður er líka kominn með nokkur orð í búlgörsku til að redda sér."
Hólmar mun eiga sína stuðningsmenn í Búlgaríu á HM í sumar.„Það er mikið búið að tala um þetta og þeir eru stoltir af þessu. Þeir spyrja mig mikið, úti á götu líka," sagði Hólmar.
Hér að ofan má sjá viðtalið í heilds inni.
