Breska ríkisstjórnin er búin að staðfesta að íþróttaviðburðir mega fara fram frá og með 1. júní, svo lengi sem fylgt sé ströngum reglum vegna Covid-19.
Ef allt gengur að óskum mun enska úrvalsdeildin fara aftur af stað 17. júní og enski bikarinn 27. júní.
Tæplega 40 þúsund manns hafa látist vegna kórónuveirunnar í Bretlandi, 27 þúsund þeirra létust á Englandi.
Bretar eru því, ásamt Spánverjum og Ítölum, meðal þeirra Evropuþjóða sem hafa komið verst úr heimsfaraldrinum.
Um tvö þúsund manns eru að smitast á dag í Bretlandi og eru rúmlega þrjúhundruð andlát á hverjum degi.
Athugasemdir
