þri 30. júní 2020 13:00
Magnús Már Einarsson
Manchester United neitar að borga yfir 50 milljónir punda fyrir Sancho
Mynd: Getty Images
Manchester United er ekki tilbúið að greiða meira en 50 milljónir punda fyrir Jadon Sancho, kantmann Borussia Dortmund.

Ónefndur stjórnarmaður Manchester United staðfesti þetta í samtali við Sky Sports í dag.

Hinn tvítugi Sancho hefur lýst yfir áhuga á að snúa aftur til Englands en hann fór frá Manchester City til Dortmund á átta milljónir punda árið 2017.

Sancho hefur verið ítrekað orðaður við Manchester United en Dortmund er með 100 milljóna punda verðmiða á honum.

Manchester United neitar að greiða yfir 50 milljónir punda og því þykir ólíklegt að af félagaskiptunum verði í sumar.
Athugasemdir
banner
banner