Fótbolti.net

Nýliðinn í landsliðinu á leið í Harvard - „Það var alveg smá mál"

Gerðist fljótt eftir leikinn gegn Víkingi - „Meiri séns á að verða betri leikmaður"

Heiður að fá svona mörg símtöl - Fékk góða gjöf eftir skiptin

Sér ekki eftir fríinu í nóvember - Heimslistinn spilaði inn í

Arnar Gunnlaugs: Það lélegt að ég hef gríðarlegar áhyggjur

Jón Sveins: Vorum klaufar að skora ekki fleiri mörk

„Hef trú á því að ég geti orðið betri leikmaður undir þeirra stjórn"

Skrítnari hlutir gerst í fótboltanum - „KR er fortíðin"

Grátlegt að missa af síðustu landsleikjum - „Aldrei heyrt um svona meiðsli"

Óviss hvert svarið yrði - „Mamma grét og fannst þetta mjög gaman"

Heyrði smell í síðasta sprettnum - „Náði að búa til límonaði úr þessu"

Björn Bragi gefur út Krakkakviss fótboltaspil

Aron Jóhannsson: Um leið og hann hringdi var þetta aldrei spurning

Gerði samkomulag við Samma - „Búinn að vonast eftir þessu síðustu ár"

„Forréttindi að hafa haft tvær Chelsea goðsagnir sem þjálfara"

Birkir Valur: HK hjartað er sterkt og slær hart

Aron Bjarna: Erfitt að keppa við félögin sem eru með mun hærra budget

Lánið lykill að frábæru gengi Norrköping - „Besta sem ég gat gert"

Valgeir: Ef ég hefði farið þá hefði tækifærið hjá Örebro ekki komið

„Í draumaheimi? Þá kæmi draumatilboð og þá væri maður ekki áfram"

þri 30. ágúst 2022 13:21

@gummi_aa

Guðmundur Aðalsteinn Ásgeirsson
Miðgarður

Berglind um PSG: Geggjað að þau hafi áfram fylgst með mér

Berglind Björg Þorvaldsdóttir.

Mynd: Fótbolti.net - Hafliði Breiðfjörð

Frá Evrópumótinu.

Mynd: Fótbolti.net - Hafliði Breiðfjörð

„Það er alltaf gaman að koma hingað í þennan hóp," segir Berglind Björg Þorvaldsdóttir, sóknarmaður íslenska landsliðsins, í samtali við Fótbolta.net.

Landsliðshópurinn er kominn aftur saman í fyrsta sinn síðan eftir Evrópumótið. Framundan eru mikilvægir leikir sem koma til með að skera úr um það hvort íslenska liðið fari beint á HM í fyrsta sinn.

„Við erum gríðarlega spenntar fyrir þessu verkefni," segir Berglind. „Við áttum frábæran tíma á EM. Við stóðum okkur vel þrátt fyrir að við komumst ekki áfram. Við tökum það sem við gerðum vel á EM í þessa leiki."

Þau stóru tíðindi bárust á dögunum að Berglind væri gengin í raðir franska stórliðsins Paris Saint-Germain. Hún skrifaði undir samning til 2024 við félagið sem er eitt það sterkasta í Evrópu.

„Þau hafa samband strax eftir EM. Svo fer boltinn að rúlla. Ég skrifa svo bara undir," segir Berglind um aðdragandann að þessum áhugaverðu skiptum.

PSG hefur áður sýnt henni áhuga. „Þau höfðu líka samband í fyrra, en þá gekk það ekki upp. Það er geggjað að þau hafi áfram fylgst með mér og sýnt mér áhuga núna eftir EM. Ég veit ekki hvenær þau byrjuðu að fylgjast með mér, ég hef ekkert spurt að því. Þetta er góð viðurkenning fyrir mig að þau hafi sýnt áhuga í fyrsta lagi og að þetta hafi gengið upp er ótrúlega gaman."

Berglind, sem hefur áður leikið í Frakklandi með Le Havre, spilaði sinn fyrsta leik með PSG gegn Lyon í ofurbikar Frakklands á dögunum. Hún kom inn á sem varamaður í seinni hálfleik í 1-0 tapi.

„Þessir fyrstu dagar hafa verið mjög 'busy'. Það er geggjað að vera komin í þetta umhverfi og spila með svona frábærum leikmönnum. Það er geggjað og ég mun klárlega bæta minn leik þarna úti," segir Berglind.

Hvíta-Rússland á föstudaginn
Það eru tveir mikilvægir leikir framundan hjá landsliðinu þar sem liðið er með örlögin í sínum höndum varðandi það að komast á HM í fyrsta sinn.

Liðið spilar við Hvíta-Rússland á föstudaginn og mætir svo Hollandi í næstu viku í það sem verður væntanlega hreinn úrslitaleikur um sæti á HM. Þar kemur jafntefli til með að duga Íslandi á HM í fyrsta sinn - ef við vinnum Hvíta-Rússland fyrst.

„Það er alltaf talað um að við eigum að klára Hvíta-Rússland, en þær eru með fínt lið og við þurfum að spila okkar besta leik til að klára þær," segir Berglind en hún hvetur fólk til að mæta á völlinn á föstudag og styðja við bakið á liðinu. Það skipti miklu máli.

Sjá einnig:
Berglind Björg: Samtalið við PSG var komið langt

Athugasemdir

Nýjustu fréttirnar