Sky Sports greinir frá því að Everton sé búið að bjóða 26 milljónir punda fyrir Ben Godfrey, 22 ára miðvörð Norwich.
Godfrey hefur sinnt lykilhlutverki í liði Norwich undanfarin ár og spilaði hann 30 leiki er Norwich féll úr ensku úrvalsdeildinni á síðustu leiktíð.
Everton býður 20 milljónir punda auk 6 milljóna í ýmsar aukagreiðslur.
Godfrey er ekki eini leikmaðurinn sem Norwich er að missa úr hópnum því Todd Cantwell og Emi Buendía voru ekki í leikmannahópi liðsins í tapi gegn Bournemouth á sunnudaginn.
Leeds United er að kaupa Cantwell fyrir 20 milljónir punda á meðan Buendía gæti verið á leið til Fenerbahce í Tyrklandi.
Athugasemdir
