Enska kvennalandsliðið vann hreint út sagt ótrúlegan gegn Lettlandi í undankeppni HM 2023 í kvöld. Leikurinn fór fram í Doncaster.
England niðurlægði Lettland algjörlega og náðu að vinna sinn stærsta sigur í keppnisleik frá upphafi.
Lauren Hemp skoraði fernu og voru Beth Mead og Ellen White báðar með þrennu. Lauren White er núna sú markahæsta í sögu enska landsliðsins með 48 mörk í 101 landsleik.
Staðan var 8-0 í hálfleik fyrir England og var hún 20-0 - hvorki meira né minna - þegar flautað var til leiksloka. Ótrúleg úrslit.
England átti alls 64 skot að marki í leiknum og nóg að gera hjá markverði Lettlands, sem varði þó ekki rosalega mikið.
England hefur unnið fyrstu sex leiki sína í undankeppninni og hefur liðið skorað 53 mörk án þess að fá á sig eitt einasta mark.
Athugasemdir