Eins og sjá má á þessari mynd þá var ekkert vandamál fyrir stuðningsmenn beggja liða að sækja sér snjó og hnoða í nokkra bolta
Fyndið atvik átti sér stað í leik HJK Helsinki og Aberdeen í Sambandsdeildinni í kvöld, en dómaranum var ekki skemmt, sem hótaði því að flauta leikinn af.
Stuðningsmenn Aberdeen fylgdu liði sínu til Helsinki fyrir þennan hörkuleik.
Helsinki var að vinna leikinn 2-1 áður en stuðningsmenn skoska liðsins tóku upp á því að hnoða snjóbolta og kasta í Niki Maenpaa, markvörð Helsinki.
Þó það sé nú ekki beint glæpur að kasta snjóboltum þá fór þetta vissulega í taugarnar á markverðinum og dómara leiksins, sem hótaði því að flauta leikinn af ef þeir myndu ekki hætta þessu.
Stuðningsmenn Aberdeen gáfu sig á endanum og fékk leikurinn eðlilegan endi.
Honum lauk með 2-2 jafntefli og er það ljóst að bæði lið eru ekki á leið áfram í úrslitakeppnina.
The HJK Helsinki vs. Aberdeen game has been paused by the referee due to Aberdeen fans throwing snowballs at the HJK Helsinki keeper...
— Footy Accumulators (@FootyAccums) November 30, 2023
????????????
???? @archiert1pic.twitter.com/OjLY8oJdlz
Athugasemdir
