Víkingur mistókst að minnka forskot Breiðablik í Bestu deildinni í gær þegar liðið gerði jafntefli gegn Stjörnunni í Garðabæ.
Kristall Máni Ingason er byrjaður að undirbúa brottför til Noregs þar sem hann gengur til liðs við Rosenborg og var því ekki með í gær.
Það vakti einnig athygli að Pablo Punyed byrjaði á bekknum en Arnar greindi frá því að hann væri búinn að vera veikur síðustu daga.
„Hann var búinn að vera veikur síðustu 3-4 daga, við erum bara með hugann við leikinn á fimmtudaginn fyrir hann. Vonandi nær hann orkunni upp, honum leið aðeins betur í morgun," sagði Arnar.
Víkingur mætir Lech Poznan frá Póllandi í Víkinni á fimmtudaginn í Sambandsdeildinni.
„Það hefði held ég ekki verið góð ákvörðun að spila honum í þessum leik en það var auðvitað gott að hafa hann á bekknum ef á þurfti að halda en vonandi verður hann klár á fimmtudaginn."