Magnús Björgvinsson var hetja Grindavíkur í kvöld þegar hann skoraði sigurmark síns liðs í uppbótartíma gegn Fylki í Kórnum í kvöld. Grindavík fór með sigur af hólmi 3-2 eftir að hafa lent 0-2 undir í fyrri hálfleik.
,,Það er óskabyrjun að koma inná og klára svona leik," sagði Magnús Björgvinsson við Fótbolta.net eftir leikinn.
,,Fyrsta markið kveikti í okkur og við komumst inn í leikinn með því marki," bætti Magnús við.
Hægt er að sjá viðtalið við Magnús í sjónvarpinu hér að ofan.
