„Við vorum með boltann svona fimm prósent í seinni hálfleik,“ sagði Hallgrímur Mar nokkuð kátur eftir sigurleik kvöldsins á Akureyrarvelli.
„Við vissum að Fjölnir væri með eitt best spilandi liðið í deildinni og það væri erfitt að sækja á þá, sérstaklega á móti vindi. Við lögðum upp með það í seinni hálfleik að vera þéttir til baka og það gekk fullkomlega, með smá hjálp frá Sandor.“
Þetta er í annað sinn í sumar sem Hallgrímur skorar með svona laglegu skoti utanaf velli. Ætlar hann að lofa öðru eins marki á þessu tímabili?
„Ég ætla að vona það, ég þarf þá bara að skjóta og skjóta.“
Nánar er rætt við Hallgrím í sjónvarpinu hér fyrir ofan.
