sun 02. desember 2018 16:08
Arnar Helgi Magnússon
England: Arsenal hafði betur í einum fjörugasta leik ársins
Arsenal 4 - 2 Tottenham
1-0 Pierre Emerick Aubameyang ('10 , víti)
1-1 Eric Dier ('30 )
1-2 Harry Kane ('34 , víti)
2-2 Pierre Emerick Aubameyang ('56 )
3-2 Alexandre Lacazette ('75 )
4-2 Lucas Torreira ('77 )
Rautt spjald:Jan Vertonghen, Tottenham ('85)

Einum allra besta leik tímabilsins, ef ekki þeim besta lauk nú rétt í þessu á Emirates vellinum í London. Sex mörk, tvö víti og rautt spjald.

Um var að ræða nágrannaslag Arsenal og Tottenham og áhorfendur og stuðningsmenn fengu allt fyrir peninginn.

Veislan hófst strax á 10. mínútu þegar Jan Vertonghen handlék boltann inn í teig eftir hornspyrnu frá Granit Xhaka. Mike Dean benti á punktinn, þangað fór Pierre-Emerick Aubameyang og skoraði örugglega fram hjá Hugo Lloris.

Tottenham minnkaði muninn tuttugu mínútum síðar en þá var á ferðinni Eric Dier eftir sendingu frá Christian Eriksen. Allt ætlaði um koll að keyra á vellinum og stjórar liðsins þurftu að stía leikmenn í sundur.

Tottenham fékk vítaspyrnu á 34. mínútu þegar Rob Holding átti að hafa tekið Son niður innan vítateigs. Ef endursýningar eru skoðaðar má setja spurningarmerki við það hvort að þessi dómur hafi verið réttur. Staðan 1-2 í hálfleik og veislan rétt að byrja.

Aubameyang var aftur á ferðinni þegar tíu mínútur voru liðnar af síðari hálfleik en hann jafnaði metin eftir frábæran undirbúning Aroon Ramsey.

Alexandre Lacazette kom inná sem varamaður í hálfleik og hann kom Arsenal yfir með skoti fyrir utan teig sem hann tók í litlu jafnvægi og ekkert sem benti til þess að boltinn myndi enda í netinu.

Lucas Torreira kórónaði frábæran leik sinn með því að innsigla 4-2 sigur Arsenal á 77. mínútu með frábæru marki en arkítektinn af því var Aubameyang. Jan Vertonghen fékk sitt síðara gula spjald á 85. mínútu og þar með rautt.

Lokatölur 4-2, Arsenal í vil sem jafnar Tottenham að stigum í ensku úrvalsdeildinni.
Stöðutaflan England Premier league - karlar
  L U J T ms: mf: mun Stig
1 Arsenal 10 9 0 1 15 5 +10 27
2 Brighton 10 7 1 2 26 7 +19 22
3 Man City 10 7 0 3 21 13 +8 21
4 Liverpool 10 5 3 2 14 10 +4 18
5 Chelsea 10 5 1 4 19 16 +3 16
6 Everton 10 4 4 2 12 10 +2 16
7 Bournemouth 10 4 3 3 16 14 +2 15
8 Brentford 10 3 5 2 16 11 +5 14
9 Leeds 10 3 5 2 10 8 +2 14
10 Aston Villa 10 3 4 3 14 17 -3 13
11 Tottenham 10 3 3 4 10 11 -1 12
12 Newcastle 10 3 3 4 13 16 -3 12
13 Hull City 10 2 5 3 11 11 0 11
14 Ipswich Town 10 3 2 5 15 20 -5 11
15 Fulham 10 2 4 4 10 12 -2 10
16 Nott. Forest 10 2 3 5 9 13 -4 9
17 Coventry 10 3 0 7 10 19 -9 9
18 Man Utd 10 1 5 4 14 19 -5 8
18 West Ham 38 10 9 19 46 65 -19 39
19 Burnley 38 4 10 24 38 75 -37 22
19 Sunderland 10 2 2 6 8 17 -9 8
20 Wolves 38 3 11 24 27 68 -41 20
20 Crystal Palace 10 2 1 7 10 24 -14 7
Slapp
banner
banner
banner