Frakkinn ungi Kingsley Coman segist ánægður með lífið hjá Bayern Munchen og ætlar sér að vera áfram hjá félaginu næstu árin.
Coman er stundum líkt við Frakkann Franck Ribery sem hefur leikið með Bayern Munchen frá árinu 2007, Coman er þó ekki ánægður með það.
„Franck (Ribery) á sinn feril og ég á minn, við erum gjör ólíkar persónur. Ég er ekki nýji Ribery ég er bara ég sjálfur."
„Ég bý yfir nógu miklum gæðum til að komast í hóp þeirra bestu hjá Bayern. Sem kantmaður verð ég að skora meira en ég geri, ég veit að ég bý yfir miklum hæfileikum en ég á þó enn eftir að bæta mig mikið," sagði Coman sem er í baráttu með Bayern Munchen við Dortmund um þýska meistaratitilinn.
Athugasemdir