Kórdrengir eru áfram á toppi 3. deildar eftir jafntefli við Álftanes fyrr í kvöld.
Liðin mættust á Álftanesi og gátu Kórdrengir aukið forystu sína í sex stig með sigri.
Það hafðist þó ekki og voru það heimamenn sem komust yfir með marki frá Björgvini Júlíusi Ásgeirssyni í fyrri hálfleik.
Unnar Már Unnarsson jafnaði fyrir Kórdrengina þegar tuttugu mínútur voru eftir af venjulegum leiktíma.
Kórdrengir eru því með 42 stig eftir 18 umferðir á meðan Álftanes er í neðri hlutanum, sex stigum fyrir ofan fallsvæðið.
Álftanes 1 - 1 Kórdrengir
1-0 Björgvin Júlíus Ásgeirsson ('21)
1-1 Unnar Már Unnarsson ('70)
Reynir Sandgerði fékk þá KH í heimsókn og lenti undir snemma leiks.
Jöfnunarmarkið kom þó skömmu síðar og var staðan 1-1 þar til í upphafi síðari hálfleiks.
Reynismenn komust þá yfir og innsigluðu sigurinn undir lok leiks, samkvæmt upplýsingum frá Úrslit.net.
Reynir er í fjórða sæti, níu stigum frá toppbaráttunni. KH er í harðri fallbaráttu og situr í fallsæti sem stendur.
Reynir S. 3 - 1 KH
0-1 ('12)
1-1 ('18)
2-1 ('50)
3-1 ('83)
Markaskorarar af urslit.net
Athugasemdir