Malmö hafði unnið síðustu tvo deildarleiki sína en fengu þungt högg í kvöld gegn Sundsvall.

Sundsvall var í næst neðsta sæti fyrir leikinn og hafði aðeins unnið tvo leiki á tímabilinu en þriðji sigurinn kom í kvöld.

Malmö komst yfir á 7. mínútu en heimamenn náðu að snúa taflinu við áður en hálfleikurinn var úti.

Það sem verra er fyrir Malmö er að danski framherjinn Sören Rieks fór meiddur af velli og er óvíst hvort hann verði með er Malmö fær Víking R. í heimsókn í 1. umferð í forkeppni Meistaradeildar Evrópu á þriðjudag.

Liðin eigast þá við í fyrri leik liðanna áður en þau mætast viku síðar á Víkingsvellinum.