Messi með gullknöttinn.
Argentínski snillingurinn Lionel Messi vann Ballon d'Or gullknöttinn - sem besti leikmaður í heimi á ári hverju fær - í sjöunda sinn síðasta mánudagskvöld.
Enginn hefur núna unnið verðlaunin oftar en Messi.
Toni Kroos, miðjumaður Real Madrid, segir að Messi hafi ekki átt skilið að vinna verðlaunin í ár, alls ekki. Hann segir að Cristiano Ronaldo hafi verið betri á árinu.
„Hann átti þetta alls ekki skilið," sagði Kroos í hlaðvarpi sínu. „Karim (Benzema) var númer eitt þegar þú skoðar einstaklinga yfir síðasta árið. Cristiano (Ronaldo) hefur skorað mörg mikilvæg mörk upp á síðkastið. Manchester United er enn í Meistaradeildinni bara út af honum."
„Cristiano átti líka að vera fyrir ofan Messi," sagði Kroos jafnframt. Hann spilaði með Ronaldo hjá Real Madrid og er Benzema liðsfélagi hans núna.
Athugasemdir
