Georgina Rodriguez, unnusta Portúgalans Cristiano Ronaldo, hefur bannað honum að skipta um ljósaperur á heimilinu.
Hún er hrædd um að Ronaldo gæti stórslasast ef hann skyldi detta á meðan hann skiptir um perur.
Ronaldo, sem er orðinn 36 ára gamall, virðist ekkert vera slaka á, á fótboltavellinum, en hann heldur áfram að skora mörkin fyrir Juventus.
Það er hátt til lofts á heimili Ronaldo og því hefur Georgina ákveðið að banna honum að skipta um ljósaperur.
„Það er nánast ómögulegt að skipta um ljósaperur á heimili okkar, það er svo hátt til lofts," sagði Georgina.
„Myndir þú fara í svona verkefni ef þú værir Cristiano Ronaldo? Alls ekki. Þú átt að hugsa vel um sjálfan þig og vera í þínu besta formi í því sem þú gerir."
„Ég sé um heimilið og læt allt ganga upp. Ég hugsa um börnin og heimilið okkar."
Þessa stundina eigast við Juventus og Spezia í Serie A og þar er Ronaldo í byrjunarliði heimamanna.
Athugasemdir