Sveinn Aron Guðjohnsen fékk ekki margar mínútur hjá liði OB í dag sem mætti Sonderjyske í Danmörku.
Sveinn var eini Íslendingurinn á leikskýrslu í þessum leik og byrjaði á bekknum í leik sem OB tapaði, 2-0.
Íslenski landsliðsmaðurinn fékk þó aðeins þrjár mínútur í tapinu og kom inná á 87. mínútu.
Í B-deildinni spiluðu þrír Íslendingar er Frederica tapaði 1-0 heima gegn Silkeborg.
Elías Rafn Ólafsson varði mark Frederica í leiknum og Patrik Sigurður Gunnarsson varði mark Silkeborg. Stefán Teitur Þórðarson spilaði 34 mínútur fyrir Silkeborg.
Það er útlit fyrir að Stefán Teitur sé meiddur en hann var í byrjunarliðinu og fór af velli í fyrri hálfleik. Silkeborg styrkti stöðu sína í öðru sæti deildarinnar með sigrinum.
Athugasemdir