Ryan Giggs, landsliðsþjálfari Wales og fyrrum leikmaður Manchester United, segir að Rauðu djöflarnir þurfi að ná í Jack Grealish og Jadon Sancho í sumar.
Bæði Grealish og Sancho hafa verið sterklega orðaðir við United, en þeir munu báðir kosta sitt.
Giggs segir að United verði að opna veskið og ná í þessa tvo leikmenn.
„Þetta eru tveir góðir leikmenn. Grealish er vanur ensku úrvalsdeildinni og þarf engan aðlögunartíma. Ég tel að hann hafi rétta hugarfarið til að fara til United. Hann skorar líka mörk. Sancho er fljótur og beinskeyttur, en hann er líka mjög gáfaður leikmaður," sagði Giggs.
„Þetta eru tveir leikmenn sem ég myndi ná í ef þeir væru fáanlegir."
Man Utd verður í Meistaradeildinni á næsta tímabili eftir að hafa lent í þriðja sæti ensku úrvalsdeildarinnar.
Athugasemdir