„Tom er 22 ára slóvenskur sóknarmaður skipti til okkar á lánssamningi frá Triglav Kranj í efstu deild Slóveníu. Á síðasta tímabili skoraði Tom 8 mörk fyrir Triglav. Tom var viðloðandi öll yngri landslið Slóveníu," sögðu Leiknismenn er hann var kynntur til leiks í febrúar síðastliðnum.

Hann er farinn heim af persónulegum ástæðum.

Jákvæðar fréttir eru einnig af austan. Í pistli á vefsíðu Leiknismanna að verið sé að fara að setja nýtt gervigras í Fjarðabyggðarhöllina þar sem Leiknir leikur heimaleiki sína.

„Starfsmenn sveitarfélagsins eru á fullu í að undirbúa grasskipti í Höllinni og beinast bænir ritara þessa pistils mjög að því að takist að hefja og helst ljúka því verki í samkomubanninu," segir í pistlinum.

Leiknir á að leika í 1. deild karla þegar Íslandsmótið hefst eftir að hafa komist upp úr 2. deild á síðustu leiktíð.