Tómasi var skipt inn á 91. mínútu þegar staðan var enn markalaus en nokkrum sekúndum síðar leit sigurmarkið dagsins ljós. Hearts trónir á toppi skosku deildarinnar með 19 stig eftir 7 umferðir, fimm stigum fyrir ofan margfalda meistara Celtic sem eiga einn leik til góða.

Hjörtur Hermannsson lék þá allan leikinn í liði Volos sem vann stórsigur á útivelli gegn AEL Larissa í efstu deild í Grikklandi. Hjörtur var í hjarta varnarinnar í 2-5 sigri sem fleytir Volos upp í fimmta sætið. Þar er liðið með 9 stig eftir 6 umferðir.

Að lokum lék Ísak Andri Sigurgeirsson allan leikinn er Norrköping tapaði á útivelli gegn GAIS í efstu deild í Svíþjóð. Jónatan Guðni Arnarsson kom inn af bekknum á 79. mínútu en Arnór Ingvi Traustason var fjarverandi vegna leikbanns.

Nokkrir Íslendingar voru ónotaðir varamenn í dag, þar sem Hólmbert Aron Friðjónsson horfði á liðsfélaga sína í Gwangju tapa á heimavelli á meðan Jóhannes Kristinn Bjarnason og Breki Baldursson sátu á sitthvorum bekknum er Kolding lagði Esbjerg að velli í næstefstu deild í Danmörku.

Ólafur Dan Hjaltason var ónotaður varamaður í tapi Aarhus Fremad og Gísli Eyjólfsson fékk ekki tækifæri í 3-0 tapi hjá Halmstad í Svíþjóð.

Í kvennaboltanum voru einnig leikmenn sem sátu á bekknum án þess að spreyta sig og má þar nefna Ísabellu Söru Tryggvadóttur sem horfði á Rosengård tapa gegn Malmö og Emelíu Óskarsdóttur sem horfði á HB Köge leggja AGF að velli.

Anderlecht sigraði gegn Gent í belgíska boltanum og er á toppi deildarinnar með fullt hús stiga eftir fyrstu fjórar umferðirnar. Vigdís Lilja Kristjánsdóttir var ekki í byrjunarliðinu.

Hearts 1 - 0 Hibernian

AEL Larissa 2 - 5 Volos

Gais 2 - 1 Norrköping

Gwangju 2 - 3 Daegu

Kolding 2 - 1 Esbjerg

Aarhus Fremad 1 - 2 B.93

Öster 3 - 0 Halmstad

Malmö 2 - 1 Rosengard

HB Köge 2 - 0 AGF

Anderlecht 2 - 0 Gent