Landsliðsmaðurinn kom til Blackburn frá Gent undir lok sumargluggans og byrjaði sinn fyrsta leik með liðinu í síðustu umferð.

Hann fékk traustið aftur í dag og spilaði sextíu mínútur í fremstu víglínu.

Blackburn náði að bjarga stigi undir lok leiks, en liðið er nú án sigurs í síðustu fjórum leikjum og situr í 21. sæti með 7 stig.

Lærisveinar Frank Lampard í Coventry eru í banastuði í byrjun leiktíðar.

Brandon Thomas-Asante skoraði tvívegis í 5-0 sigri og er Coventry áfram taplaust og nú komið á toppinn með 19 stig eftir níu umferðir.

Hull City lagði Sheffield United, 1-0, á heimavelli. Það gengur ekkert hjá Sheffield sem rak Ruben Selles eftir ömurlega byrjun og fékk Chris Wilder aftur.

Babajide Akintola kom Hull yfir eftir hálftímaleik, en þegar lítið var eftir fékk Sheffield vítaspyrnu. Harrison Burrows sendur á punktinn, en spyrna hans var hæg og arfaslök, og Ivor Pandur í engum vandræðum með að verja hana.

Þriðja tapið úr fjórum leikjum síðan Wilder kom aftur, en Sheffield er áfram á botninum með aðeins þrjú stig.

Sheffield Wed 0 - 5 Coventry
0-1 Brandon Thomas-Asante ('3 )
0-2 Brandon Thomas-Asante ('34 )
0-3 Haji Wright ('45 )
0-4 Ellis Simms ('68 )
0-5 Tatsuhiro Sakamoto ('75 )

Hull City 1 - 0 Sheffield Utd
1-0 Babajide David Akintola ('30 )
1-0 Harrison Burrows ('87 , Misnotað víti)

Blackburn 1 - 1 Stoke City
0-1 Million Manhoef ('49 )
1-1 Augustus Kargbo ('82 )