Þremur fyrstu leikjum dagsins er lokið í efstu deild spænska boltans, þar sem Girona vann sinn fyrsta leik á deildartímabilinu.
Girona tók á móti Valencia og þurfti á sigri að halda eftir hörmulega byrjun á tímabilinu. Gestirnir frá Valencia leiddu í leikhlé en Girona snéri stöðunni við í síðari hálfleik þrátt fyrir að vera talsvert lakara liðið á vellinum.
Arnau Martínez skoraði sigurmarkið fyrir Girona og þurfti liðið svo að klára leikinn einum leikmanni færri eftir að Iván Martín lét reka sig í sturtu. Það kom þó ekki að sök þar sem lokatölur urðu 2-1 og er Girona með 6 stig eftir 8 umferðir. Valencia er með 8 stig.
Girona vann leikinn þrátt fyrir mikla yfirburði Valencia.
Real Oviedo tapaði þá nýliðaslagnum á heimavelli gegn Levante þar sem var mikið um færi en lokatölur urðu 0-2. Levante verðskuldaði sigurinn en heimamenn í Oviedo voru óheppnir að skora ekki í leiknum.
Oviedo er með 6 stig eftir 8 umferðir eins og Girona, tveimur stigum á eftir Levante sem er við hlið Valencia á stöðutöflunni með 8 stig.
Að lokum hafði Athletic Bilbao betur gegn Mallorca þar sem eldri Williams bróðirinn tók forystuna snemma leiks með marki af vítapunktinum.
Athletic var sterkara liðið í fyrri hálfleik en tókst ekki að tvöfalda forystuna. Síðari hálfleikurinn var mjög jafn þar sem liðin gáfu ekki mikið af færum á sér en gestirnir frá Mallorca náðu að gera jöfnunarmark á 77. mínútu.
Alejandro Rego svaraði fyrir heimamenn fimm mínútum síðar og reyndist það sigurmark leiksins. Lokatölur 2-1.
Þetta er kærkominn sigur fyrir Athletic sem var án sigurs í síðustu fjórum deildarleikjum fyrir þennan. Liðið er núna með 13 stig á meðan Mallorca vermir botnsætið með 5 stig.
Stórveldi Real Madrid er þessa stundina að spila lokaleik dagsins gegn Villarreal.
Girona 2 - 1 Valencia
1-0 Vladyslav Vanat ('18 )
1-1 Diego Lopez Noguerol ('57 )
2-1 Arnau Martinez ('63 )
Rautt spjald: Ivan Martin, Girona ('80)
Real Oviedo 0 - 2 Levante
0-1 Carlos Alvarez ('30 )
0-2 Karl Etta Eyong ('72 )
Athletic Bilbao 2 - 1 Mallorca
1-0 Inaki Williams ('9 , víti)
1-1 Samu ('77 )
2-1 Alejandro Rego Mora ('82 )
Rautt spjald: Antonio Sanchez, Mallorca ('90)
Real Madrid 19:00 Villarreal
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Barcelona | 7 | 6 | 1 | 0 | 21 | 5 | +16 | 19 |
| 2 | Real Madrid | 8 | 6 | 1 | 1 | 16 | 8 | +8 | 19 |
| 3 | Villarreal | 8 | 5 | 2 | 1 | 13 | 5 | +8 | 17 |
| 4 | Elche | 7 | 3 | 4 | 0 | 10 | 6 | +4 | 13 |
| 5 | Athletic | 8 | 4 | 1 | 3 | 9 | 9 | 0 | 13 |
| 6 | Atletico Madrid | 7 | 3 | 3 | 1 | 14 | 9 | +5 | 12 |
| 7 | Betis | 7 | 3 | 3 | 1 | 11 | 7 | +4 | 12 |
| 8 | Espanyol | 7 | 3 | 3 | 1 | 10 | 9 | +1 | 12 |
| 9 | Getafe | 8 | 3 | 2 | 3 | 9 | 11 | -2 | 11 |
| 10 | Sevilla | 7 | 3 | 1 | 3 | 11 | 10 | +1 | 10 |
| 11 | Osasuna | 8 | 3 | 1 | 4 | 7 | 8 | -1 | 10 |
| 12 | Levante | 8 | 2 | 2 | 4 | 13 | 14 | -1 | 8 |
| 13 | Alaves | 7 | 2 | 2 | 3 | 6 | 7 | -1 | 8 |
| 14 | Valencia | 8 | 2 | 2 | 4 | 10 | 14 | -4 | 8 |
| 15 | Girona | 8 | 1 | 3 | 4 | 5 | 17 | -12 | 6 |
| 16 | Oviedo | 8 | 2 | 0 | 6 | 4 | 14 | -10 | 6 |
| 17 | Celta | 7 | 0 | 5 | 2 | 6 | 9 | -3 | 5 |
| 18 | Vallecano | 7 | 1 | 2 | 4 | 7 | 10 | -3 | 5 |
| 19 | Real Sociedad | 7 | 1 | 2 | 4 | 7 | 11 | -4 | 5 |
| 20 | Mallorca | 8 | 1 | 2 | 5 | 7 | 13 | -6 | 5 |
Athugasemdir
