„Nei, það kemur mér að sjálfu sér ekkert á óvart að liðunum sem féllu niður sé spáð þarna uppi," sagði Rúnar Páll Sigmundsson, þjálfari Fylkis, við Fótbolta.net í vikunni.
Fylki er spáð toppsætinu í Lengjudeildinni í sumar
Fylki er spáð toppsætinu í Lengjudeildinni í sumar
„Við erum búnir að eiga mjög fínan vetur, búnir að æfa vel, spila fullt af leikjum og það hefur gengið bara ansi vel. Við erum með gott lið og góða blöndu af ungum og eldri leikmönnum."
Albert Brynjar Ingason er meiddur, en eru aðrir klárir?
„Allir aðrir eru klárir. Það er fínt stand á mannskapnum og menn geta ekki beðið eftir því að byrja. Við erum með frábæran hóp og það verða ekki breytingar fyrir gluggalok. Ég reikna ekki heldur með því að það séu einhverjir að fara fyrir gluggalok."
Er það klárt markmið að ná efsta sætinu?
„Markmiðið er að fara upp og eiga frábæra frammistöðu í öllum leikjum í sumar. Ef það gengur upp þá förum við upp."
Hvernig líður þér í Árbænum?
„Mér líður mjög vel í Árbænum, það er frábært fólk sem vinnur í Fylki, erum með frábæran leikmannahóp, fína umgjörð í kringum okkur og vel hugsað um okkur. Þetta lítur bara vel út og ég er bara mjög ánægður," sagði Rúnar að lokum.
Athugasemdir
