Liverpool hefur sent frá sér yfirlýsingu vegna þeirra frétta að Diogo Jota og bróðir hans hefðu látist í bílslysi á Spáni.
Slysið átti sér stað í Zamora héraði á Spáni klukkan 00:30 að staðartíma, 22:30 að ísenskum tíma. Samkvæmt upplýsingum frá spænsku lögreglunni fór Lamborghini bifreið utan vegar eftir að dekk sprakk þegar bíllinn var í framúrakstri. Bíllinn varð alelda og tveir voru úrskurðaðir látnir á staðnum þegar björgunaraðilar mættu.
Slysið átti sér stað í Zamora héraði á Spáni klukkan 00:30 að staðartíma, 22:30 að ísenskum tíma. Samkvæmt upplýsingum frá spænsku lögreglunni fór Lamborghini bifreið utan vegar eftir að dekk sprakk þegar bíllinn var í framúrakstri. Bíllinn varð alelda og tveir voru úrskurðaðir látnir á staðnum þegar björgunaraðilar mættu.
Í yfirlýsingu Liverpool segir að allir hjá félaginu séu miður sín. Félagið biður um það að fjölskylda, vinir, liðsfélagar og starfsfólk Diogo og Andre fái frið á meðan þau takast á við ólýsanlegan missi.
Liverpool muni á þessari stundu ekki tjá sig frekar um slysið.
Jota kom til Liverpool frá Wolves 2020 og vann ensku úrvalsdeildina, FA-bikarinn og deildabikarinn með þeim rauðu.
„Þessar hörmulegu fréttir eru óvæntar. Diogo Jota var íþróttamaður sem var gott andlit út á við fyrir Portúgal. Ég sendi mínar dýpstu samúðarkveðjur til fjölskyldu þeirra bræðra. Þetta er sorgardagur fyrir fótboltann og fyrir íþróttaheiminn," segir Luís Montenegro, forsætisráðherra Portúgals.
Liverpool Football Club are devastated by the tragic passing of Diogo Jota.
— Liverpool FC (@LFC) July 3, 2025
Athugasemdir
