Víkingur Ó. í Lengjudeild karla hefur fengið gríðarlegan liðsstyrk fyrir seinni hluta Íslandsmótsins en Emmanuel Eli Keke mætir til landsins í kvöld eftir að hafa verið í Gana síðasta hálfa árið. Þetta kemur fram í tilkynningu frá félaginu.

Eli Keke kom fyrst til Víkings árið 2018 og spilaði hann mikilvæga rullu með liðinu áður en sleit krossbönd í ágúst á síðasta ári.

Hann fór í endurhæfingu á Íslandi í vetur en fór heim til Gana í frí fyrr á árinu.

Kórónaveirufaraldurinn hafði mikil áhrif á allan heiminn sem varð til þess að fríið hans lengdist töluvert en hann snýr aftur til landsins í kvöld.

Þetta er mikill fengur fyrir Ólafsvíkinga en hann var valinn leikmaður ársins hjá félaginu árið 2018 og þá var hann einnig valinn besti leikmaður í 1. - 11. umferð Inkasso-deildarinnar sama ár.

Víkingur hefur glímt við mikil vandræði í byrjun tímabils en Jón Páll Pálmason var látinn taka poka sinn um miðjan júlí og tók Guðjón Þórðarson við. Liðið er með 9 stig í 9. sæti deildarinnar.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit