05.09.24 - 21:31
Jóhann Þór Hólmgrímsson
Ronaldo: Ég næ ekki metum, þau ásækja mig
Mynd: EPA
Mynd: EPA
Cristiano Ronaldo náði mögnuðum áfanga í kvöld þegar hann skoraði sigurmarkið í 2-1 sigri Portúgal gegn Króatíu í Þjóðadeildinni.
Ronaldo skoraði sitt 900 mark á ferlinum en þetta var 131 landsliðsmark hans. Hann er markahæsti landsliðsmaður frá upphafi og einnig ef landsliðsmörk og mörk með félagsliðum eru sett saman í eitt.
TENGT EFNI
Tilfinningarnar brutust út þegar Ronaldo skoraði sitt 900. mark
Cristiano Ronaldo tjáði sig um afrekið eftir leikinn.
„900 mörk virðist eins og hver önnur tímamót, aðeins ég veit hversu erfitt það er að vinna að því á hverjum degi að ná að skora 900 mörk. Þetta er einstakt afrek á mínum ferli. Ég næ ekki metum, þau ásækja mig," sagði Ronaldo.
