Ítalía: Inter og Roma skildu jöfn

Inter og Roma gerðu markalaust jafntefli í fyrsta leik ítölsku helgarinnar sem fór fram á San Siro leikvanginum í Mílanó.

Jafnræði ríkti með liðunum í kvöld en heimamenn geta verið svekktir eftir færin sem þeir klúðruðu í leiknum. Varnarmenn Roma gerðust nokkrum sinnum sekir um slæm mistök en ekki tókst Lautaro Martinez og Romelu Lukaku að nýta sér það.

Jafnteflið þýðir að Inter getur misst toppsæti deildarinnar til Juventus á morgun, en liðið er aðeins með tveggja stiga forystu sem stendur.

Roma situr í fjórða sæti með 29 stig eftir 15 umferðir. Níu stigum eftir Inter.