Berglind Rós í leik með Fylki.
Berglind Rós Ágústsdóttir, fyrirliði Fylkis, var mjög sátt eftir að liðið tryggði sér Reykjavíkurmeistaratitilinn í fyrsta sinn.
„Þetta er einstaklega sætt," sagði hún, en Valur hefur unnið Reykjavíkurmót kvenna frá árinu 2016. Fylkiskonur hafa nú rofið þá einokun.
Berglind segir að viljinn hafi skipt sköpum. „Við vildum þetta rosalega mikið. Að vinna Val er líka alltaf sætt. Þetta var mjög gott hjá okkur."
„Við erum að ná að spila mjög vel saman, við hvetjum hvor aðra áfram og liðsandinn er mjög góður. Ég er mjög spennt fyrir sumrinu," segir Berglind.
Aðspurð að því hvort leikmenn myndu eitthvað skemmta sér í kvöld sagði hún: „Við erum að fara að borða saman og svo er það að vakna snemma því við erum að fara á kvennnakvöld Fylkis. Við erum að fara að undirbúa það."
Viðtalið við hana má sjá í heild sinni hér að ofan.
Athugasemdir
