Edda María í leik með Aftureldingu sumarið 2014.
Edda María Birgisdóttir lék allan leikinn í 1-0 sigri Stjörnunnar á HK/Víkingi í 2. umferð Pepsi Max-deildar kvenna.
Þetta var fyrsti leikur Eddu í Stjörnubúningnum síðan sumarið 2014.
Þetta var fyrsti leikur Eddu í Stjörnubúningnum síðan sumarið 2014.
Lestu um leikinn: Stjarnan 1 - 0 HK/Víkingur
„Wow fór á hausinn og ég var því ekki skuldbundin þeim lengur þannig ég ákvað að koma hingað. Hér er nýr þjálfari og ný tækifæri og ég fékk að sanna mig eins og ég er," sagði Edda María spurð af því, afhverju hún væri byrjuð aftur.
„Það var búið að vera spyrja mig afhverju ég væri ekki að spila og afhverju kemur þú ekki í Stjörnuna. Síðan setti Eva ljósmyndari mynd á Instagram og það kveikti í mér. Ég vildi vera hluti af liði og vinna. Ég er mjög ánægð með að vera komin til baka," sagði Edda sem var ánægð með leikinn í kvöld.
„Ég held að ég hafi staðið mig þokkalega vel. Ég kem með reynsluna og talandann sem ég held að hafi skilað sér mjög vel."
Edda María er aldursforsetinn í liði Stjörnunnar.
„Mér líður ekkert eins og ég sé þrítug. Ég er í toppstandi, aldurinn heldur áfram að telja en formið heldur sér þrátt fyrir að maður sé orðin gamall. Þetta er geggjuð tilfinning og fá að koma með reynslu og kenna þessum ungu. Maður man eftir þessu sjálfur þegar maður var ungur og var að læra af þessum eldri," sagði Edda María að lokum.
