Kári Árnason miðvörður íslenska landsliðsins var tekinn tali eftir 2-4 tapið gegn Slóveníu í kvöld.
,,Ég veit ekki alveg hvernig við fengum þessi fjögur mörk á okkur, mér fannst þeir ekkert rosalega ógnandi. Náttúrulega klaufalegt víti sem við fáum á okkur, ég var reyndar ekki viss hvort þetta væri víti. Ég er reyndar ekki viss um hvort þetta var víti. Aron sagði að Slóveninn hefði bara rekið löppina í hann."
"Eins og ég segi, þá er þetta í rauninni grátlegt. Mér fannst leikurinn algjörlega á okkar valdi, vorum að skapa okkur færi o.s.frv. Við hefðum bara átt að klára þetta sjálfir."
Aðspurður hvort hann væri sammála Ragnari Sigurðssyni, félaga sínum í miðverðinum um að varnarleikurinn hefði verið fínn heilt yfir sagði Kári: "Ég er algjörlega sammála því, mér fannst við "solid". Þessi mörk, það er eitt víti, í fyrra markinu gera þeir vel og þessi ljóshærði veldur usla. Svo þriðja markið, það má náttúrulega ekki hleypa inn svona mörkum á þessu leveli úr föstum leikatriðum. Svo í fjórða markinu erum við náttúrulega bara þrír og erum að sækja." hafði Kári að segja.
Viðtalið má sjá í heild hér fyrir ofan.
