Lionel Messi var ekki ánægður eftir síðasta leik Argentínu í Copa America. Argentína vann Síle í bronsleiknum en Messi var rekinn af velli í fyrri hálfleik fyrir litlar sakir.
Hann neitaði að taka við verðlaunpeningnum eftir leikinn og ásakaði CONMEBOL, knattspyrnusamband Suður-Ameríku, um spillingu.
„Ég tók ekki við verðlaunapeningnum því við viljum ekki taka þátt í þessari spillingu. Þeir vildu ekki að við færum í úrslitaleikinn, það var allt gert til að koma Brasilíu í úrslitin," sagði Messi.
CONMEBOL sendi frá sér yfirlýsingu eftir ummæli Messi.
„Það er mikilvægt í sanngjörnum leik að samþykkja úrslit með hollustu og virðingu," segir meðal annars í yfirlýsingunni og einnig kemur fram að þessar ásakanir stangist á við raunveruleikann.
„Þessar ásakanir tákna skort á virðingu fyrir keppninni, leikmönnum sem taka þátt og starfsmönnum CONMEBOL."
Úrslitaleikurinn í keppninni hefst klukkan 20:00. Smelltu hér til að sjá byrjunarliðin.
Sjá einnig:
Messi neitaði að taka við verðlaunapeningnum
Athugasemdir
