Helgi skoraði mark Víkinga í kvöld
„Hann svaraði kallinu, hann hefur skorað mörk á öllum levelum í yngri flokkum og nú er kominn tími til að hann skori í Pepsi. Það var bara tímaspursmál, gaurinn fær færi í hverjum einasta leik og helst tvö eða þrjú," sagði Arnar Gunnlaugsson, þjálfari Víkings, í viðtali við Hafliða Breiðfjörð eftir jafntefli við ÍA.
Arnar var þarna spurður út í Helga Guðjónsson sem skoraði strax á fyrstu mínútu leiksins eftir að hafa ekki byrjað í fyrstu umferð.
Arnar var þarna spurður út í Helga Guðjónsson sem skoraði strax á fyrstu mínútu leiksins eftir að hafa ekki byrjað í fyrstu umferð.
Lestu um leikinn: ÍA 1 - 1 Víkingur R.
„Þetta var óskabyrjun en mikið var þetta erfiður leikur. Þetta voru frekar hræðilegar aðstæður fyrir bæði lið og bara erfitt. Ég held að jafntefli hafi verið sanngjarnt þó það hafi verið súrt að fá markið á sig undir lok leiksins."
„Þetta var gæðalega séð lélegur fótboltaleikur en örugglega kósí heima í stofu að horfa á hann. Aðstæður voru hræðilegar, völlurinn harður, rok og allur pakkinn. Þetta er bara töff (tough) en svona er bara íslenskur fótbolti í maí."
Ertu jákvæður með fjögur stig úr fyrstu tveimur leikjunum?
„Jú, ég er það. Þetta minnir mig á tvo fyrstu leikina frá því í fyrra. Við vorum með tvö stig þá en fjögur stig núna. Þetta er drulluerfið deild núna, fyrstu leikirnir, þetta eru svolítið skrítnir leikir á meðan menn eru að ná takti. Þetta verður smá weird á meðan lið eru að ná balance og stilla saman strengi," sagði Arnar.
Viðtalið í heild má sjá í spilaranum hér að ofan.
Athugasemdir
