Fótbolti.net

Óskar: Alltaf gaman að vera í besta liðinu á Íslandi

Bjarni Jó: Mikil reisn í þessu hjá Jóni Daða

Formaðurinn í skýjunum: Stærstu skipti í sögu félagsins

Tómas Þórodds: Jón Daði ekta karakter til að koma heim

Ítarlegt viðtal við Jón Daða - „Sú tilhugsun sat ekki nægilega vel í mér"

Þakklátur Fram fyrir tækifærið - „Sé mig spila lengur á Íslandi"

„Simon er eitthvað rugl góður og Fred líka"

Vann kapphlaupið við tímann - „Búin að leggja ógeðslega mikið á mig"

Gætu ekki beðið um betra umhverfi - „Sagði við Hafrúnu að núna væri þetta að gerast"

Eru fjórar hjá sama félaginu - „Er heppin með það"

Karólína Lea gefur ekkert upp þrátt fyrir háværar sögur

Maggi Már: Mér fannst við vera betri

Óskar Hrafn: Vonaði að það væri undantekningin sem sannaði regluna

Sölvi um Óskar Borgþórs: Bara "no comment"

Nikolaj Hansen: Ég er framherji og vil skora mörk

Heimir Guðjóns: Eigum ekki að fá á okkur mörk úr föstum leikatriðum

Morten Ohlsen eftir tap Vestra: Okkur var refsað

Gísli Laxdal: Ég potaði honum inn hundrað prósent

Viktor varð ekki stressaður: Kennie stendur fyrir sínu

Lárus Orri: Áttum okkur á því að þetta er bara einn sigur

mán 08. júlí 2024 14:39

Elvar Geir Magnússon

Arnar fengið góða punkta frá Óskari Hrafni: Verið mjög hjálplegur

Arnar Gunnlaugsson er spenntur fyrir leik morgundagsins.

Mynd: Fótbolti.net - Hafliði Breiðfjörð

Annað kvöld tekur Víkingur á móti Shamrock Rovers í fyrri viðureign liðanna í forkeppni Meistaradeildarinnar. Tékklandsmeistarar Sparta Prag verður mótherji sigurliðsins í næstu umferð.

Arnar Gunnlaugsson, þjálfari Víkings, fór til Írlands í síðustu viku til að fylgjast með Shamrock. Fyrir ári síðan lék þetta lið gegn Breiðabliki en Kópavogsliðið vann báða leikina.

„Champions league er Champions league. Ég hlakka mjög mikið til. Þetta er svona blanda af evrópsku liði og gamaldags bresku liði. Blikarnir fóru verðskuldað áfram í fyrra en þetta var ekki létt," segir Arnar þegar hann ræddi við Fótbolta.net í dag.

Óskar Hrafn Þorvaldsson var þjálfari Breiðabliks í fyrra en hann og Arnar eru nú saman í sérfræðingateymi RÚV á EM. Arnar segir Óskar hafa komið með punkta fyrir sig varðandi Shamrock liðið.

„Já klárlega. Mjög góða punkta og hefur verið mjög hjálplegur. Ég met það mikils. Við fórum út og svo er ég með greinendur hjá mér sem hafa safnað miklum upplýsingum. Það þarf að finna jafnvægið og finna helstu veikleika og styrkleika. Stundum í fótbolta er farið of mikið í greiningar, ég vil ekki að leikmenn hætti að hugsa sjálfstætt inni á velli," segir Arnar.

Davíð og Aron ekki með á morgun
Shamrock er Írlandsmeistari en illa hefur gengið hjá liðinu á yfirstandandi leiktíð. Í viðtalinu, sem sjá má í heild í sjónvarpinu hér að ofan, fer Arnar betur út í komandi mótherja.

Þá greinir hann frá því að Davíð Örn Atlason og Aron Elís Þrándarson verði ekki með í leiknum á morgun vegna meiðsla. „Davíð verður frá í þrjár til fjórar vikur, Aron verður mögulega í hóp í seinni leiknum," segir Arnar.

Leikur Víkings og Shamrock hefst 18:45 á Víkingsvelli á morgun. Það er uppselt á leikinn en hann verður í beinni textalýsingu hér á Fótbolta.net.