Truffert í baráttu við Ismaël Bennacer leikmann AC Milan.
Félagaskiptasérfræðingurinn Fabrizio Romano hefur sett „here we go!" stimpilinn sinn á félagaskipti Adrien Truffert til Bournemouth.
Truffert er franskur bakvörður sem á að fylla í skarðið sem myndast við söluna á Milos Kerkez til Liverpool.
Truffert er 23 ára gamall og hefur þegar spilað einn A-landsleik fyrir Frakkland eftir að hafa verið mikilvægur hlekkur upp yngri landsliðin. Hann var algjör lykilmaður í U21 landsliðinu og svo U23 liðinu sem fór á Ólympíuleikana í fyrra.
Truffert kemur úr röðum Rennes í Frakklandi og borgar enska úrvalsdeildarfélagið tæplega 20 milljónir evra til að festa kaup á bakverðinum, sem er bara með eitt ár eftir af samningi sínum við uppeldisfélagið.
Bournemouth mun kynna Truffert sem nýjan leikmann á næstu dögum og þá getur Liverpool gert slíkt hið sama með Milos Kerkez.
Athugasemdir
