Gunnar Magnús Jónsson
„Þetta er súrt og stór skellur. Það er eitthvað sem við höfum ekki verið þekkt fyrir í sumar, höfum tapað mest með þremur mörkum og höfum verið að verjast nokkuð vel og bara mikil vonbrigði að tapa svona stórt. “ Voru fyrstu viðbrögð Gunnars Magnúsar Jónssonar þjálfara Keflavíkur eftir 5-0 skell Keflavíkur gegn Val á HS Orkuvellinum í Keflavík í kvöld.
Lestu um leikinn: Keflavík 0 - 5 Valur
Valsliðið komst snemma leiks í forystu og bætti við öðru marki áður en hálfleikurinn var úti. Þriðja markið kom eftir um 20 mínútur í síðari hálfleik en eftir það var líkt og leikmenn Keflavíkur hefðu lagt árar í bát og uppgjöf einkenndi leik liðsins.
„Þær eru þekktar fyrir það stelpurnar að gefast aldrei upp sama hvað á bjátar og það var það sem ég var svekktastur með í dag að það var hangandi haus á vellinum hjá stelpunum og vorum svolítið úr karakter. “
Næsti leikur hjá Keflavíkur er afar mikilvægur í botnbaráttunni en liðið heimsækir Aftureldingu í Mosfellsbæ í hörðum fallslag og sannkölluðum sex stiga leik.
„Einn af sex leikjum sem eftir eru og verða allt úrslitaleikir. Það jákæðasta við leikinn í dag er að við erum búin með Blika og Val núna en það verður risaslagur eftir viku í Mosfellsbænum og við erum bara full tilhlökkunar. Þeir sem spila fótbolta hljóta að hlakka til að spila í svona leikjum þannig að það verður bara stemming og skemmtilegt.“
Sagði Gunnar en allt viðtalið má sjá hér að ofan.
Athugasemdir
