Lengjudeildin: Bræður sáu um Þrótt

ÍR fór með sigur af hólmi þegar liðið fékk Þrótt í heimsókn Lengjudeildinni í kvöld.

Það voru bræðurnir Róbert Elís og Óliver Elís Hlynssynir sem komu að sigurmarki ÍR. Óliver átti langt innkast inn á teiginn á kollinn á Róberti sem skoraði, hans fyrsta deildarmark fyrir félagið.

Innköst Ólivers voru að skapa mikil vandræði en fleiri mörk litu ekki dagsins ljós.

ÍR er komið í 4. sæti í bili að minnsta kosti en Þróttur tapaði eftir að hafa spilað sex leiki í röð án taps.