Ederson fór meiddur af velli þegar Manchester City mætti Atalanta í Meistaradeildinni í vikunni, Bravo sem verður að öllum líkindum í markinu á morgun kom inn á í hans stað en var rekinn af velli með rautt spjald.

Kevin De Bruyne hefur ekkert alltof miklar áhyggjur af því að Ederson verði ekki með, hann segist bera fullt traust til Claudio Bravo.

„Auðvitað er það ákveðið áfall að hann (Ederson) hafi meiðst, hann er markvörður númer eitt í þessu liði. En ég efast ekkert um Bravo, ég treysti honum fullkomlega fyrir þessu.”

„Hann var frábær á undirbúnings tímabilinu og spilaði mjög vel gegn Liverpool í leiknum um Samfélagsskjöldinn. Hann er reynslumikill markvörður svo ég er viss um að hann eigi eftir að gera vel,” sagði De Bruyne um markvarðarmál Manchester City fyrir leikinn gegn Liverpool.