Pep Guardiola, stjóri Man City, hefur verið orðaður við þjálfarastöðu brasilíska landsliðsins. Ednaldo Rodrigues, forseti brasilíska sambandsins, tjáði sig um Guardiola.
„Ég átta mig á því að Guardiola er einn af bestu þjálfurum í heimi. En við höfum ekki rætt neitt við hann. Dorival Junior er þjálfari landsliðsins," sagði Rodrigues.
Guardiola var spurður út í áhuga brasilíska sambandsins eftir tap Man City gegn Sporting í vikunni.
„Eftir 4-1 tap er ég ekki lengur kostur fyrir Brasilíu," sagði Guardiola léttur í bragði.
Dorival Junior er með samning út HM 2026 hjá brasilíska sambandinu.
Athugasemdir
