Fótbolti.net

Ólafur Ingi: Draumastaða er bara þrjú stig

Sviptu hulunni af Loga Ólafs sem sagði af sér um leið

Höskuldur: Ég er mikill unnandi Loga sem persónu og leikmanns

Árni Guðna: Aldrei spurning þegar kallið kom héðan

Jói Kalli: Langaði ekki að vera lengur einn úti

Alex Freyr: Tók eitt símtal frá Davíð Smára

Sá fyrir sér að spila allan ferilinn með Völsungi en fetar í spor föður síns

Útskýrir af hverju hann er orðinn þjálfari Sindra: Ákvað að hætta í janúar

„Vissi að það yrði erfitt að kveðja en varð mun erfiðara en ég átti von á"

29 ára þjálfari í efstu deild - „Frábært að koma inn í svona stórt félag"

Lítur á HK sem klárt skref upp á við - „Kitlar egóið að vera í þannig stöðu"

Sverrir spenntur fyrir framtíðinni: Við erum með mjög gott lið

Elías Rafn: Eigum ekki að fá á okkur svona einföld mörk

Hákon Arnar: Mun taka tíma að jafna sig á þessu

Guðlaugur Victor: Trúði ekki þessari vörslu

Brynjólfur: Áfram gakk og við förum á næsta stórmót

Jón Dagur um að HM draumurinn sé horfinn: Gríðarleg vonbrigði

Ísak Bergmann: Þetta er bara okkar Króatía

Hilmar Jökull: Verðum í bullandi minnihluta en það verður fjör

Toddi: Ef við byrjum eins og í Bakú þá eigum við góða möguleika

mán 10. janúar 2022 16:00

Sæbjörn Þór Þórbergsson Steinke

Kristófer ætlar að skora tólf mörk á tímabilinu - „Stefni mjög hátt"

Mynd: SönderjyskE

Kristófer Ingi Kristinsson er leikmaður SönderjyskE í Danmörku. Kristófer er uppalinn Stjörnumaður en hélt ungur að árum út til Hollands og samdi við Willem II sumarið 2016. Árið 2019 skipti hann yfir til Frakklands og lék með Grenoble í næstefstu deild tímabilið 2019/20.

Sumarið 2020 ákvað hann að söðla um og fór á láni til PSV og spilaði þar með varaliði félagsins. Síðasta sumar ákvað hann svo að semja við danska félagið. Kristófer ræddi fyrir helgi við Fótbolta.net um fyrri hluta tímabilsins.

„Fyrri hlutinn hefur verið svolítið erfiður, allavega til að byrja með, við erum ekki alveg þar sem við viljum vera í deildinni en sem betur fer erum við með eitthvað í bikarnum - erum í undanúrslitum bikarsins. Við vorum að búast við meira en þessu," sagði Kristófer.

„Ég hef byrjað síðustu þrjá leiki þannig að ég get verið sáttur með það. En ég hef ekki fengið þær mínútur sem ég hef viljað fyrri hluta tímabilsins. Ég vonast eftir meiru frá sjálfum mér núna seinni hlutann, er kominn með fimm mörk í deild og bikar - það er allavega eitthvað jákvætt."

Þjálfaraskipti urðu hjá SönderjyskE skömmu fyrir vetrarfrí. Gætu þau haft einhver áhrif á þinn spiltíma?

„Ég er mjög jákvæður fyrir því, hef heyrt mjög góða hluti um þennan þjálfara, er byrjaður að spila núna upp á síðkastið og vona hann muni hjálpa okkur að komast upp á næsta „level". Ég hugsa að þetta muni vera mjög gott fyrir okkur."

Liðið er í næstneðsta sæti dönsku Superliga, sex stigum frá liðinu fyrir ofan sig. „Klárlega ætlum við að vinna þann mun upp. Þetta er ekki í fyrsta skipti sem klúbburinn er í svona erfiðri stöðu. Eftir því sem ég hef heyrt hefur klúbburinn nánast alltaf komið sér upp úr þessu og ég hef alla trú á því að við munum ná því."

Þú ert með þriggja ára samning, ertu með markmið, eitthvað sem þig langar að afreka hjá félaginu?

„Ég stefni á að skora, vera með markahæstu mönnum þarna og stefni mjög hátt. Ég var búinn að segja við sjálfan mig að ég ætlaði að skora tólf mörk í deild og bikar. Ég á eitthvað í það allavega. Við sjáum til," sagði Kristófer að lokum.

Hann var einnig spurður út í Grenoble, Jong PSV og leiðina í undanúrslit bikarsins. Viðtalið í heild má sjá í spilaranum.

		L	U	J	T	ms:	mf:	mun	Stig
1	FCK	17	9	6	2	32	19	+13	33
2	Midtjylland	17	10	3	4	31	22	+9	33
3	Randers FC	17	8	6	3	31	19	+12	30
4	AGF Aarhus	17	7	7	3	30	17	+13	28
5	Brondby	17	7	6	4	31	22	+9	27
6	Silkeborg	17	6	8	3	29	23	+6	26
7	FC Nordsjaelland	17	7	5	5	30	29	+1	26
8	Viborg	17	5	6	6	29	27	+2	21
9	AaB Aalborg	17	4	5	8	18	31	-13	17
10	Sonderjylland	17	4	4	9	21	37	-16	16
11	Lyngby	17	1	7	9	12	24	-12	10
12	Vejle	17	1	3	13	16	40	-24	6