Það var létt og þægileg stemning á fréttamannafundi íslenska kvennalandsliðsins í dag. Landsliðsþjálfarinn, Þorsteinn Halldórsson og Gunnhildur Yrsa Jónsdóttir, leikmaður liðsins, sátu fyrir svörum. Á morgun er vináttuleikur gegn Írlandi.
Gunnhildur var að ljúka sér af við að svara spurningum um Mörtu og félagsliðið sitt, Orlando Pride, þegar Þorsteinn skaut inn í að Gunnhildur ætti að segja frá því þegar hún þurfti að hlaupa fyrir Mörtu.
Gunnhildur var að ljúka sér af við að svara spurningum um Mörtu og félagsliðið sitt, Orlando Pride, þegar Þorsteinn skaut inn í að Gunnhildur ætti að segja frá því þegar hún þurfti að hlaupa fyrir Mörtu.
Gunnhildur hló að þessu og hélt áfram með svar sitt:
„Marta er mögnuð og mjög mikil keppnismanneskja.”
Þorsteinn var beðinn um að segja söguna af Mörtu þar sem Gunnhildur fór ekki í það. Ekkert var gefið upp en stemningin var skemmtileg.
Eftir að Gunnhildur, sem bæði getur leyst hægri bakvörð og stöður á miðjunni, var spurð út í sína uppáhaldsstöðu á vellinum var Þorsteinn spurður hvar Gunnhildur myndi spila á morgun.
„Í markinu,” sagði landsliðsþjálfarinn.
„Ég er reyndar svakalega í markinu,” laumaði Gunnhildur inn.
En sér Þorsteinn hana í báðum stöðum (í bakverði og á miðjunni) upp á framtíðina að gera?
„Hún er í hópnum sem miðjumaður í dag og ég horfi ekki í annað með hana. En svo veit maður náttúrulega aldrei hvað gerist. Ef við þurfum að leysa einhverja hluti þá leysum við þá hluti með Gunnhildi,” sagði Steini.
Önnur svör á blaðamannafundinum:
Gunnhildur hrósar yngri leikmönnum í hástert og finnst gaman í „skítavinnunni"
Þorsteinn: Auðvitað hefur frammistaða í þessum leikjum áhrif
Allt hægt ef þú ert tilbúinn að leggja mikið á þig og fórna miklu
Athugasemdir
