Fótbolti.net

Arnar elskar bikarkeppnir: Goðsagnir sem hafa náð þessu

Eiður Smári: Förum svo í fimm úrslitaleiki eftir þennan úrslitaleik

Lára Kristín svekkt: Sérstakt að spila hérna í þessum stóra leik

Pétur gagnrýnir KSÍ og UEFA: Ef þetta er virðing þá er mikið að

Tilfinningaþrungin stund í Tékklandi - „Fúlt að kveðja svona"

Orri Steinn: Set kröfu á mig að skora úr svona færum

Reiður, svekktur og stoltur - „Næ því ekki hvernig hann ver þetta"

Davíð Snorri: Ég er svo ótrúlega stoltur af þessum gæjum

Skildi val Davíðs Snorra - „Ánægður að fá símtalið"

Hákon Rafn: Geggjað að vera á þessu sviði þar sem allt er undir

Davíð Snorri: Arnar velur sitt lið og við vinnum svo úr því

Andri Fannar: Veit hvað ég get og þarf að reyna sýna það oftar

Chris Harrington: Það er fullt af jákvæðum hlutum í KR

Gunnar Magnús: Smá styrkingar þá getur þetta félag alveg tekið næsta skref

Nik: Planið er að halda áfram

Kristín Erna: Útlendingarnir okkar með martraðir

„Það er verið að hugsa um kvennastarfið í Fram, fólki er ekki sama"

Leikmaður ársins í 2. deild: Ísland er frekar svalt land

Alexander eftir fallið: Veit ekki einu sinni hvað er að gerast á morgun

Ætluðu að vinna fyrir Mist - „Þetta stakk mann í hjartað"

mið 10. ágúst 2022 20:10

@ivangudjon

Ívan Guðjón Baldursson

Láki: Dómarinn gerir stór mistök - Aldrei rautt spjald

Mynd: Fótbolti.net - Hafliði Breiðfjörð

Þorlákur Már Árnason var að vonum svekktum eftir tapleik Þórs á Selfossi en þó stoltur af sínum mönnum sem voru leikmanni færri í tæpa klukkustund. Hann telur rauða spjaldið sem Erlendur Eiríksson dómari gaf í leiknum ekki hafa átt rétt á sér.

Lestu um leikinn: Selfoss 2 - 1 Þór

Selfoss var betra liðið í svo mikið sem tíu mínútur eftir rauða spjaldið en þegar seinni hálfleikur var flautaður á ríkti aftur jafnræði á vellinum. Selfoss stóð að lokum uppi sem sigurvegari eftir að Gary Martin skoraði með viðstöðulausu skoti eftir útspark frá markmanni.

„Ég er bara stoltur af liðinu, við spiluðum vel og vorum ekki síðri aðilinn þrátt fyrir að vera einum færri. Ég er svekktur en mjög stoltur af strákunum. Við vorum með mikla yfirburði í byrjun leiks og áttum að klára þetta þá. Við misnotuðum alltof mörg færi, við erum að misnota algjör dauðafæri," sagði Þorlákur Már, eða Láki, að leikslokum.

Hermann Helgi Rúnarsson var rekinn af velli með beint rautt spjald á 36. mínútu fyrir að brjóta af sér sem aftasti varnarmaður en hann var sárasaklaus því liðsfélagi hans Orri Sigurjónsson var sá sem framdi brotið. Erlendur Eiríksson dómari rak því rangan mann af velli en Láki segir að dómurinn hafi verið rangur til að byrja með, sama hver fékk spjaldið.

„Ég veit ekki hvað það var," svaraði Láki með spjaldaruglinginn og hélt svo áfram „en Tokic var að fara frá markinu þannig þetta er aldrei rautt spjald. Þetta er ákvörðun sem dómari þarf að taka á einhverjum sekúndubrotum þegar hann hafði ekki einu sinni hugmynd um hver hafði brotið af sér. Hefði hann verið sloppinn í gegn þá væri þetta klárt rautt en hann er að tékka til baka og lendir á miðjumanni. Dómarinn gerir stór mistök þarna en það var bara áskorun fyrir okkur að spila manni færri í fyrsta skipti í sumar og ég er þvílíkt ánægður með hvernig strákarnir leystu það."

Þessi leikur minnti Láka á fyrri leikinn gegn Selfossi þar sem hann taldi Gary Martin vera heppinn að hanga á vellinum allan tímann.

„Þetta fær mig til að hugsa um fyrri leikinn gegn Selfossi þegar Gary Martin átti að fá rautt spjald í fyrri hálfleik og í seinni hálfleik en svo endum við með rautt spjald hérna á móti þeim. En það er bara áfram veginn og leikur aftur á sunnudaginn."

Athugasemdir

Nýjustu fréttirnar