Davíð Helgi Aronsson er efnilegur hafsent.
Björgvin Brimi Andrésson.
Kári Árnason, yfirmaður fótboltamála hjá Víkingi, segir í samtali við Fótbolta.net líklegt að fjórir leikmenn Víkings fari á láni. Umræddir leikmenn eru þeir Atli Þór Jónasson, Davíð Helgi Aronsson, Björgvin Brimi Andrésson og Haraldur Ágúst Brynjarsson.
Davíð Helgi Aronsson er átján ára örvfættur hafsent uppalinn í Víkingi. Á síðasta tímabili lék hann með Njarðvík í Lengjudeildinni við góðan orðstír.
Kári segir miklar líkur á því að hann fari á lán til annars lið í Bestu deildinni. Keflavík hefur þá kannað möguleikann á að fá hafsentinn efnilega í sínar raðir.
Davíð Helgi Aronsson er átján ára örvfættur hafsent uppalinn í Víkingi. Á síðasta tímabili lék hann með Njarðvík í Lengjudeildinni við góðan orðstír.
Kári segir miklar líkur á því að hann fari á lán til annars lið í Bestu deildinni. Keflavík hefur þá kannað möguleikann á að fá hafsentinn efnilega í sínar raðir.
„Það er alltaf verið að bera víurnar í okkar leikmenn, mjög skiljanlega. Við erum með mjög unga stráka sem þurfa að fara á láni. Björgvin Brimi er líklegur til að fara á láni, Davíð Helgi er einnig líklegur og Haraldur Ágúst er annar.
Davíð fer í Bestu deildina og það sama með Atla Þór. Halli og Björgvin eru flottir kandídatar í Lengjudeildina enda kornungir strákar,“ segir Kári Árnason.
Björgvin Brimi er bróðir Benóný Breka, U21 landsliðsmanns og leikmanns Stockport, en Björgvin gekk í raðir Víkings fyrr í vetur.
Ekki leyndarmál að Kelfvíkingar vilja hafsent
Keflavík er á meðal liða sem hafa verið orðuð við Davíð Helga. Fótbolti.net ræddi við Harald Frey Guðmundsson, þjálfara Keflavíkur, fyrir helgi og spurði hann út í Davíð.
„Ég held að það sé ekkert leyndarmál að við séum á höttunum eftir hafsent. Við erum með augun opin, það er ekkert konkret komið þar. Það hefur verið hugmynd að fá hann (Davíð) til okkar. En það hefur ekkert komið á hreint í þessu. Það yrði þá í formi lánsdíls.“
Ég myndi segja að hafsent sé staða sem við horfum mest í. En við, eins og flest lið, erum alltaf með augun opin fyrir góðum leikmönnum,“ segir Haraldur.
