Sjónvarpsmaðurinn Gary Lineker segist hafa það á tilfinningunni að frestunin á leik Manchester City og Arsenal sé upphafið að því að fótboltatímabilið verði blásið af.

City og Arsenal áttu að mætast í kvöld en leiknum var frestað þar sem einhverjir leikmenn Arsenal eru í sóttkví.

Kórónaveiran hefur haft gríðarleg áhrif og sett fjölda viðburða, þar á meðal fótboltaleiki, í uppnám. Keppni hefur verið hætt á Ítalíu og óvíst er hvernig og hvort deildin þar verði kláruð.

Leikið er fyrir luktum dyrum víða um Evrópu og mikil óvissa í gangi.

Marcus Rashford, sóknarmaður Manchester United, skrifar á Twitter að fótboltinn sé ekkert án stuðningsmanna og að þeirra heilsa þurfi að vera í forgangi.

Cesc Fabregas, fyrrum miðjumaður Arsenal og Chelsea, segir að fótboltinn eigi alls ekki að vera í forgangi í núverandi ástandi.

Pep Guardiola, stjóri Manchester City, telur að frekar eigi að fresta fótboltaleikjum en að spila þá án áhorfenda.

Manchester City v Arsenal is postponed. Off to Liverpool but can’t help feeling like it’s the beginning of the end of the football season. Despite the words of the late Bill Shankly, football is not more serious than life and death.

— Gary Lineker (@GaryLineker) March 11, 2020

Football is the fans...period. But the safety and well-being of our fans has to come first. Without you, we’re nothing. If you’re not feeling well, call 111 for advice ❤️

— Marcus Rashford (@MarcusRashford) March 11, 2020

We MUST be responsible more than ever now. We all love and enjoy football, no one more than me, but health and safety for all of us MUST always come first 🙏🏻

— Cesc Fàbregas Soler (@cesc4official) March 11, 2020

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit