Liverpool, sem er í góðu formi í deildinni, mætir Bournemouth í fyrsta leik dagsins. Lærisveinar Jürgen Klopp eru að svífa upp töfluna og nú í baráttu um Meistaradeildarsæti en liðið fær ágætis áskorun gegn Bournemouth sem stóð í toppliði Arsenal í síðustu umferð.

Chelsea fer þá og heimsækir Leicester klukkan 15:00 en á sama tíma spilar Everton við Brentford, sem hefur ekki tapað í síðustu tólf leikjum sínum í deildinni.

Tottenham fær Nottingham Forest í heimsókn og þá spilar Leeds við Brighton áður en Crystal Palace fær það erfiða verkefni að spila við Manchester City.

Englandsmeistararnir eru fimm stigum á eftir Arsenal í deildinni og þarf liðið því sigur á erfiðum útivelli í dag.

Leikir dagsins:
12:30 Bournemouth - Liverpool
15:00 Leicester - Chelsea
15:00 Everton - Brentford
15:00 Tottenham - Nott. Forest
15:00 Leeds - Brighton
17:30 Crystal Palace - Man City