„Það er geggjað að vera kominn hingað í topp aðstæður og maður virkilega finnur fyrir því að þetta er að byrja," sagði Samúel Kári sem setti sér markmið í upphafi árs að koma sér í landsliðshópinn fyrir HM. Það gekk eftir.

„Eftir Indónesíuferðina setti ég mér markmið um að ég vildi vera partur af þessum hópi og ég ætlaði að gera allt til þess að ná því."

„Ég var mjög ánægður. Ég var að undirbúa mig fyrir leik samdægurs. Ég tók allan morguninn í það að vera í ess-inu mínu síðan fór ég að fókusera á leikinn," sagði Samúel Kári aðspurður að því hvernig honum leið þegar hann fékk sms-ið um að hann væri á leiðinni til Rússlands.

Viðtalið í heild sinni má sjá í sjónvarpinu hér að ofan.