Sara: Hugsaði að þetta væri mitt tækifæri að fara á HM

Portúgal komst yfir á 55. mínútu með marki úr víti sem var dæmt á Áslaugu Mundu Gunnlaugsdóttur sem fékk um leið rauða spjaldið.

„Ég sá þekka atvik ekki en þetta hefur auðvitað áhrif á leikinn. Mér finnst við samt hafa tekið þessu sjokki með miklum karakter, við komum til baka og Glódís skorar. Á einhverjum tímapunkti fannst mér ekki óþægilegt að vera manni færri. Í framlenginunni leið okkur vel og ætluðum að halda áfram að ná góðu jafnvægi á löngum boltum og skipta um svæði og skapa færi sem við gerðum en náðum ekkki að skora. 2 - 1 markið var tuska í andlitið og mörkin eftir það erfiðara og erfiðara."

Hvað fannst þér um dómgæsluna almennt í leiknum?

„Mér fannst hún skrítin á köflum. Hún var ekki nógu ákveðin í sínum ákvörðunum, við náðum ekkert að ræða við hana. Svo dæmir hún vítaspyrnu á Alexöndru, hendi, gefur henni gult spjald, fer svo í VAR og það var ekki rétt. Hún hefur örugglega átt aðeins betri leik áður."

Nú er ljóst að Ísland kemst ekki á HM á næsta ári. Var þetta þitt síðasta tækifæri að komast á HM?

„Já, ég myndi segja það. Auðvitað er ekkert ákveðið en ég hugsaði að þetta tækifæri að fara til Ástralíu á næsta ári væri mitt tækifæri að fara á HM. Það er smá tími í næsta HM og maður veit ekki hvað gerist á þeim tíma."

Nánar er rætt við Söru í spilaranum að ofan en hún ræðir þar veikindi sín síðustu daga og fyrirkomulagið á ummspilinu.